ЖАА

1. тэмд. н. 1) хэмжүүрээрээ ехэ бэшэ, томо бэшэ, бага хэмжээнэй, бишыхан, баахан, заа, набтар (маленький, небольшой): Гансал хүйтэнһѳѳ мододой доторой тэһэрхэнь жаа буугай абяандал дуулдана (С. Доржиев); жаа жуу (гү, али жэжэ) багахан, бирагүйхэн, шухала бэшэ (маленький, незначительный): Михаил Степанович намда дураа гутаагүй гээшэ гү, али жаа жуу юумэндэ һаналаа табидаггүйб гэжэ харуулхаа хүсэнэ гү? (Ж. Тумунов); Теэд сэржэм наншад үргүүлхэ мэтын жаа жэжэ хэрэгэй болоходо, нютагай зон энэ бандида хандадаг һэн (Ц. Шагжин); 2) наһаар бага, нялха, залуухан (малолетний, не взрослый): Ѳѳрынгѳѳ дураар үгы болоод, гэмэрүүлжэ гэншэрүүлжэ байдаг урданайхидаал жаа бэшэш даа, ѳѳрын мэдэлтэй болоһон хүн ха юмши (Ц.-Д. Хамаев); жаа хүбүүн бага наһатай эрэгтэй (мальчик): Тиигэбэл жаа хүбүүндээ муу юумэ бү дуулгая (Ц.-Ж. Жимбиев); жаа хүүдэй хѳѳрш. нарай хүүгэд, нялха үхибүүн (крошка, малютка); жаа байхадаа бага байхадаа, бага наһандаа (в детстве); 2. юум. н. 1) үхибүүн, нарай үхибүүн (младенец, ребёнок): Тэдэнэйхи жаатай болоо; 2) ямар нэгэ юумэнэй багахан хуби (небольшое количество чего-л.): хахадһаа жаае үлѳѳхэ; 3. наречи багаханаар (немного, немножко); нэгэ жаа бага, бага зэргэ, халта (немного, слегка, чуть-чуть): Басаган нэгэ жаа бодолгото абтаад орхиходоо, энэ дүтэ байһан үндэр добын оройдо гарагша һэн (Ц.-Ж. Жимбиев); нэгэ жаа унтаха дурд гээд абаха (вздремнуть): – А ши мүнѳѳ нэгэ жаа унта, олойрон дэмырэнгүй (С. Доржиев); жаа жууха(н) багаханаар (немного): – Зай, тиигэбэл жаа жуухан хүнэһэ абаад, шамдуухан ябая даа! – гэжэ Георгий Николаевич эсэстэнь хэлэбэ (Б. Мунгонов); жаа жааханаар бага багаар (понемножку, помаленьку): Хүл гарынь хүдэлгэн, Алдарай искусственна амилалга хэхэдэнь, нилээд сагай ошоһон хойно һулаханаар һудаһаниинь сохилон, Балдан жаа жааханаар амилжа захалба (Ц.-Д. Хамаев); нэгэ жаа болоод нэгэ хэды саг үнгэрһэнэй һүүлээр (через некоторое время, немного погодя): Ерээд, нэгэ жаа болоод, баабай, эжы, дүү басагамни болон ахай Ородой аршаанда ошожо, бэеэ заһаад, амараад ерээбди (У. Галданов).