ЕРҮҮЛХЭ

үйлэ ү., идх. залог 1) дуудаха, уриха, ерэхые баадхаха (вызывать, велеть прийти или приехать): Бульжуухай һууринайнгаа эрэшүүлые суглуулхаһаа гадна, бусад һууринуудай шамбай бүхэриг хүбүүдые ерүүлһэн шуу (М. Осодоев); урижа (гү, али дуудуулжа) ерүүлхэ ерэхые гуйха (приглашать, вызывать): Түргэн, шуумар, тогоо барихадаа бэрхэ хэды һамгадые Халсагайн Сандантайгаар урижа ерүүлбэ (Д. Эрдынеев); Хойто үглѳѳниинь бүрүүлээр бодоод, гал хурса харасатай, шуумар түргэн ябадалтай Пихлуу гэжэ дүүгээ дуудуулжа ерүүлбэ (М. Осодоев); машина ерүүлхэ машина дуудахые баадхаха (велеть вызвать машину): Газаашаа хаража, түр зуура зогсод гээд, шамдуухан һѳѳргѳѳ столдоо ерэхэдээ, секретарь басагандаа машиныень ерүүлхэ захиралта үгэбэ (Д. Эрдынеев); этигэл ерүүлхэ этигэл түрүүлхэ (вызывать надежду, вселять надежду): Тэрэ дуун хадаа хүн зоной сэдьхэл соо хэсүү һайнууд эрмэлзэлгэ хүсэл һэрюулхэ гуниг гашуудал тараажа, этигэл ерүүлхэ (Ч. Цыдендамбаев); ерүүлэн һануулха үнгэрһэн юумэ һанаандаа һэргээхэ, дурасхал һэргээхэ (напоминать о чём-л.): Хажуурнуудай ханхинама эшхэрээн Доржодо ямар нэгэ холын, танил, мартагдажа эхилһэн хүгжэмые ерүүлэн һануулна (Ч. Цыдендамбаев); 2) дуудуулха, ерэ гүүлэхэ, уригдаха (быть вызванным): Тэрэ хэрэгээр намайе аймагһаа дуудажа ерүүлбэ гээшэ.