ДҮРШҮҮЛХЭ

үйлэ ү., идх. залог 1) ямар нэгэн ажал хэрэгтэ дадалтай, дүршэлтэй болгохо, һургаха (приучать к чему-л.): Мүнѳѳнэй һургуули гээшэ шабинараа жэжэхэн энэ мэтэ ажалһаа эхилээд, томо ажал хүрэтэр, хамаг юумэндэ дүршүүлжэ зоригжуулжа һургадаг гээшэ ха юм даа… (Х. Намсараев); таряан ажалда дүршүүлхэ түүх. XVIII зуун жэлдэ буряадуудые таряа таридаг болгожо, һууриин ажабайдалтай болгохо ажал хэрэг Россиин засаг зургаанай талаһаа үргэнѳѳр ябуулагдаа һэн. Тиихэ үедэ нютаг бүхэндэ шахуу таряанай орооһон, анзаһа, хадуур буряадуудта миинтээр үгэхѳѳр магазинууд бии болооһон. Буряад хэлэндэ энэнь «мангазей» хэлбэритэйгээр ороһон юм (приучать к хлебопашеству); 2) хүндэ, хүшэр мэргэжэлэй дүршэл олгохо, ямар нэгэн мэргэжэлтэнэй дүршэл дээшэлүүлхэ (давать, повышать квалификацию).