ДҮМЭХЭ

үйлэ ү. 1) гамнаха, анхарха, наряар, гамтайгаар хандаха, наряар, болгоомжотойгоор ябаха, хүрэхэ, бариха, абажа ябаха г.м. (относиться осторожно, заботиться, лелеять): Хара багаһаань нэгэ зандаржа, бадашажа байгаагүй, дүү гэжэ ходо дүмэжэ, үндэгэн мэтээр хаража ябаһан аха бэлэй (С. Доржиев); 2) баруун бур. гараараа барилсаха, үргэлсэхэ, дүнгэхэ, барид гэхэ (поддерживать, придерживать): Дүүхэй холоодхотой хүлнүүдээ урагшань дүмэн хүдэлгэхэтэйгѳѳ адли шүдѳѳ зуугаад, нюдѳѳ шэб таһа аняадхиба (М. Осодоев); дүмэн буулгаха барилсажа буулгаха, тодожо абаха (придерживая, помогать спуститься с коня): Эсэгэ хүбүүн хоёр Сэмбэлые моринһоонь дүмэн буулгаад, хоёр гарһаань һугадажа, гэртэ оруулба (М. Осодоев).