ДҮГЖҮҮБЭ

, дүгжэб юум. н., будд. элдэб муу үйлэ, хорото ябадал, һанаан бодол дарахын тулада үнгэргэгдэдэг буддын шажанай заһалай нэгэн; гурил тоһондо зууража гурбан самсаалта шобогор юумэ хэжэ оройдонь, мүн гурбан үнсэгтэнь хохимойн дүрсэ табижа бүтээгдэһэн сор. Жэлэй һүүл һарын 29-дэ тусхай хуралай удаа ламанар энэ сорые дасангай хорёогой саана гаргажа, һолоомо хулһаар хэгдэһэн урса гэртэ залажа шатаахадаа, бүхы муу юумэ арилгаха удхатай гэдэг (дугжуба, предновогодний обряд, проводящийся один раз в год в цогчен-дацане и имеющий целью уничтожение «невежества» людей, являющегося корнем всех страданий): Дүгжүүбэ гээшэ орой дээрээ хохимой тархи шэмэгтэй 16 ехэ, бага сорнууд юм (Л. Цыбенова).