ДУҺААХА

үйлэ ү. 1) дуһал унагааха, дуһал дуһалаар гоожуулха (капать): Балдан баабай хурганай шэнээхэн хур саала сог дээрэ хаяжа, хүншүү татаһанаа зузаан гэгшын зүһэмэгтэ тоһыень дуһаажа һууба (З. Гомбожабай); шуһаа дуһааха шуһанай дуһалнуудые унагааха (ронять капли крови): Хахархай шэхэнһээ шуһа дуһаан, урда хүлѳѳрѳѳ бага дохолон, һүүлээ шэрээд эзэн тээшээ удаахан һалирба (С. Цырендоржиев); 2) сасалга хэхэ (капать, брызгать, напр. водкой, молоком): Тиин шэлтэй архиһаа аягалжа, газаа тээшэнь дуһаагаад, хэлэхэ үгэеэ оложо ядан, бүглэршэнхэй нэгэ хэһэг шэмээгүй һууба (М. Осодоев); галда дуһааха галда архиин дээжые үргэхэ (делать подношение огню водкой): Түрүүлэгшэ дүүрэн стакан абажа, хүл дээрээ бодожо, баруун гараараа ёһолон үргѳѳд, удаань гал дээрэ дуһаана (Ц.-Ж. Жимбиев); 3) шэлж., яряан. шэнгэн унданһаа хүртѳѳхэ, хэжэ үгэхэ (немного налить): Ёһын тэдыдэ зааха дуһааял!.. – гээд, Петрүүхэ аяга соонь зааха дуһааха хүн аад лэ, горитойхоноор юулэжэрхибэ (Ц.-Ж. Жимбиев).