ДУУЛАХА II

үйлэ ү. 1) дуу гүйсэдэхэ, ая бариха, таталуулха (петь): Ёохорһоо бусажа ябаһан басагад сортоотой шангаар дуулажа, һүниин һонорые сошоон сууряатуулна (М. Осодоев); дуу дуулаха дуу гүйсэдхэхэ (петь, исполнять песню): Хурим түрэ дээрэш энэл дуу дуулахаяа хэдэн жэл бэеэ зэһэжэ ябаа бшууб (Ц.-Д. Хамаев); 2) магтаха, соло үргэхэ (воспевать, прославлять): Үлгэн сэнхир тоонтодоо / Үхибүүн наһаяа орхижо, / Агуу дайнда мордоһон, / Ахайнараа дууланам (Д. Улзытуев); ○ уйлаха гэжэ үгэтэй парн. хэрэгл.