ДУУДАГДАХА

үйлэ ү., хүлеэгд. залог дуудалгада орохо, дуудуулха, уригдаха (вызываться, призываться, быть влекомым): Энэ үедэ дуудагдаһан Шоно аймхайгаар нюдѳѳ бэлтылгэн ороно (Б. Санжин, Б. Дандарон); Уданшьегүй тон ондоо, ажабайдал тухай гүнзэгыгѳѳр бодохогүй, хүнгэн һэбхишье үзэлнүүдтэ дуудагдан дагана (Ч. Цыдендамбаев); дуудагдан бусаагдаха бэшэгдэһэн бэшэ, һунгалтын дуу, депутадые г.м. эльгээһэн, һунгаһан хүнэй бэшэмэл гү, али аман мэдүүлгээр бусааха, эрхынь, хүсынь бууруулха (отзываться, напр. с какого-л. поста).