ДУТАХА

үйлэ ү. 1) хүрэхэгүй, хүсэхэгүй, багадаха, үсѳѳдэхэ (быть в недостатке, недоставать, не хватать): Шүлэ гаргажа, зѳѳхэй шанаашье һаань, нэгэ юумэн дутаһан шэнги һанагдаха юм (М. Осодоев); дутаһан хуудаһан мултаржа үгы болоһон гү, али таһа татуулһан хуудаһан (недостающая страница): Үгышье һаа дутаһан хуудаһануудыень дахин буулгажа болоно (Ч. Цыдендамбаев); 2) ядарха, дуталдаха, хашаланда орохо (испытывать в чём-л. недостаток): Гамаатайгаа миин хоюулхан болоод байхадаа, юумээр дутажа, ехэ ядардаг байгаабди (Ц. Дон); дутаха ядаха (гү, али дундадаха) хашаланда орохо (испытывать недостаток): – Тонилыш саашаа, шинии тэргэдэ һуугаагүйдѳѳ дутаха ядахагүйб (Ц. Шагжин); Тэндэ гансал мүнгэнэй туулмаг баяшуул баян бардам, дутаха дундадахые, зобохо тулихые мэдэнгүй байдаг юм аабза (Б. Мунгонов); 3) булигдаха, хэн нэгэнһээ гү, али юумэнһээ доро, үсѳѳн, бага байха (уступать в чём-л.): Би Демидовһээ дутаха һэн гүб? (Ч. Цыдендамбаев); дутаха дортохо хэн нэгэнһээ доро байха, али нэгэн юумээр дутаха (уступать): Энэ хүбүүн, барһан даа, шэг үнгэ, сэдьхэл зоригооршье, оюун бодол, уужам даруугааршье хэншье гэгшын хүбүүдһээ дутаха дортохогүй хаям даа (Х. Намсараев).