ДУТАГДАЛ

юум. н. 1) хүсэд бэшэ байлга, дуталга (нехватка, недостача): Энэ һаалишан эндэхи фермэдэ тохёолдоһон бүхы гай гарзын түлѳѳ гансааран харюусаха, үнеэдээ хайдагаар һааһанай дутагдалые түлэхэ, үхэһэн тугалаа дүрбэн хүлѳѳрнь бодхохо тухай бодолгото боложо ябана (Ц.-Ж. Жимбиев); мүнгэнэй дутагдал мүнгэнэй хүсэд бэшэ, хомор байлга (нехватка денежных средств): Энэ хэрэгнай мүнгэнэй дутагдалһаа боложо, зогсошоод байна (Д. Мархадаева); ажалай дутагдал ажалда гаргагдаһан дутуу дундунууд, алдагдал (упущение в работе кого-л.): Үнэхѳѳрѳѳшье шүүмжэлэгшэд Холбоондомнай үсѳѳн. Энэ хадаа Правлениин ажалай дутагдал болоно (Буряад Yнэнһѳѳ); 2) зэмдэг, одхор, гэмжэг (дефект, изъян, недостаток): Тииһээ тиитэрээ энэ дутагдалынь бусад олон дутагдалнуудайнь эхи үндэһэн, ушар шалтагаан байһан байжа магадгүй (Б. Мунгонов).