ДУРДАХА

үйлэ ү. 1) хѳѳрэлдѳѳндэ ямар нэгэ юумэ тухай хэлэхэ, дуугарха, хэн нэгэниие нэрлэхэ (упоминать, обмолвиться): Малайнгаа тоо байе бултыень хэлээд, олодог олзоёо мартангүй тоолоод, эхэ эсэгынгээ бэеын ямар байһые дурдахаяа мартажархёо (Ч. Цыдендамбаев); халиргайгаар дурдаха ябууд дунда хэдэн үгэ хэлэхэ гү, али бэшэхэ, нэрлэхэ (вскользь упомянуть): Тэрэ тэмдэг соогоо олоншье юумэ бэшээгүй, инагай удхатай хоёр-гурбан үгэ халиргайгаар дурдаад, харин харюу бэшээрэй гэжэ дахин дахин дабтаһан байгаа (Ц. Дон); онсолон дурдаха онсолон тэмдэглэхэ (особо останавливаться на чём-л., подчёркивать): Эндэ Владимир Намсараевай оролдосото ажалые онсолон дурдаха дуран хүрэнэ (Б.-М. Жигмитов); 2) һанаха, һанаандаа оруулха, дурсаха (вспоминать, припоминать): Мүнѳѳ зунай Хандамни эдэ бүгэдэ урдынхияа дурдаха дуратай болоо, пенсидэ гаража, сүлѳѳтэй болоһонойнь тэмдэг ха (Д. Эрдынеев); «Хамарайнгаа үзүүртэ шарахан мэнгэтэй хүбүүмни», – гэжэ ямар халуунаар, гашуудалтайгаар дурдан дурдан хэбтээб (А. Ангархаев); 3) дээдэ магтаал, соло дуудаха, магтаха (прославлять): Энээниие хүнүүд ойлгохо ёһотой… Тиихэдээ тэдэ намайе дурдаха!.. – гэһэн бодолнууд Намсараевай толгой соогуур зуралзана (Д. Эрдынеев); 4) будд. анхаралтай, ханамжатай байха (быть внимательным, сосредоточенным): Дурдаха ба hэримжэ түгэсэhѳѳр шагшаабад бэшые сэдьхэлдэ зохёохо үгы (Боди мүр); 5) бѳѳ шүтэдэг hүнэhэ hүлдэдэ нэрээрнь хандажа, үргэлыень абажа, али нэгэн хүндэ туhалыш гэжэ гуйха. Энэ үедэ бѳѳ тэрэ бурхантай, мүн хаан, ноён ба бѳѳгэй hүнэhэ hүлдэтэй сэхэ харилсаха аргатай болоно гэдэг (призывать): – Үерэй ехэдэхэ бүри та бурха тэнгэреэ бултыень дурдажа байгаа һэнта даа (С. Ангабаев).