ДУРАДХАХА

үйлэ ү. мэдүүлэл оруулха, ямар нэгэн һанамжа, бодолоо хэлэхэ, уриха (предлагать): Угайдхадаа үнѳѳхи Сэрэнэй Сэсэг һахы һалаг гүйжэ ерээд, азаргын мяха ѳѳһэд хоорондоо хубаажа абахыень дурадхаа (М. Осодоев); һуухые дурадхаха һуухые уриха, һуугты гэжэ хэлэхэ (предлагать сесть): Баторов туд блокнот соохи шүлэгүүдтэ бүхы анхаралаа зорюулһан тула Мышкинэй зогсожо байһые һаял обёоржо, һуухые дурадхаба (Б. Шойдоков); 2) һайшаан зууршалха (рекомендовать): Дамчеев түрүүлэгшэ пенсидэ гараха болоходоо, ѳѳрынгѳѳ орондо хэниие түрүүлэгшээр дурадхаха юм гээшэб гэжэ нилээдгүй удаан маргаа һэн (Б. Мунгонов).