ДУНДУУР

1. дах. ү. 1) алибаа юумэнэй тэгтэ, голдо, түбтэ, хоорондо (среди, посреди): Һужаагай дундуур һунаһан дардам харгыда ороһоор, Алдар газаа нэмэбэ (Ц.-Д. Хамаев); Аламжын һамган үбгэнѳѳ алдаад, хаана абаашаһыень мэдэхэ һанаатай, зоной дундуур нүгѳѳ тээшээ жүдхэнэ (Д. Батожабай); зоной дундуур үгы болошохо олон зон соо харагдахаяа болихо (раствориться в толпе): Теэд замда эсэшэһэн элжэгэнэй эрьеһээр байтар, үнѳѳхи нюдэндѳѳ шэлтэй ута мүргэлшэн харгынзоной дундуур үгы болошоһон байба (Д. Батожабай); дундуур наhанай дүшэн табин наһатай (средних лет): Энэ үедэ дүүрэн сагаан шарайтай, дундуур наһанай эхэнэр – Долгормаань үнеэгээ һаагаад орожо ерэбэ (Б. Мунгонов); 2) үеэр, соогуур (в, во время): Шуурганай уляан дундуур гэнтэ нохойнуудай хусаха таһалдуугаар дуулдаха шэнги болобо (Д.-Д. Дугаров); hүниин дундуур hүниндѳѳ, hүни орой (посреди ночи): Хай, шуургата һуниин дундуур онгосомни яагаа юм ааб, бүрин бүтэн хоноо юм аа гү гэжэ харахаяа ошоо ёһотой даа (Б. Мунгонов); үймѳѳн дундуур мэгдээн соогуур (в суматохе, в панике): Танишье үймѳѳн дундуур түлхисэлдэн, тэдэндэ ерэжэ үрдеэгүй (Д.-Д. Дугаров); 2. наречи 1) гол, түб багаар, голлон, хоорондуур (посередине): Хүниие сэдьхэлдээ дэншье дүтэ болгонгүй, / дэншье ехээр няангүй, / халта холуур ябахам гэжэ бодооб… / Дэншье холош бэшэ, дэншье дүтэш бэшэ. / Дундуур (Э. Зандраев); ◊ дундуур буудаха дундые баримжалха (брать посередине); 3. тэмд. н. дунда зэргын, дунда шанарай, дундахи (посредственный, средний): Гостиницын фойе соо тэдэниие дундуур бэетэй хурса хара шарайтай гушаад наһанай хүн угтаба (С. Цырендоржиев).