ДУЛААЛХА

үйлэ ү. 1) дулаа бариха юумээр хангаха, бүрихэ, хушаха, няаха г.м. (утеплять, отеплять): Гэрэй һууриин ара талада хагдаар хүбхэндэжэ дулаалһан бишыхан балгааһанай үрхѳѳр утаан бааяжа, бууса түхеэржэ байһан хүдэлмэришэд тэрээн соо байрлаһан хэбэртэй (Х. Намсараев); 2) дулаанаар хубсалха, зузаан юумэ дээгүүрээ үмдэхэ (одеваться теплее): Механик хүбүүн инаг нүхэрѳѳ хажуудаа һуулгаһан бэеэрээ, тэрэнэй хубсаһа хунарынь дулаалжа ороно: пулаадынь заһан бооно, дэгэлэйнь энгэрэй дээдэ тобшонуудые шагтална, хоёр валенкыень һугалжа тоншорно (Ц.-Ж. Жимбиев); Теэд хүбүүн дааража, хоёр үргэнэйнгѳѳ хабжаганажашье байгаа һаань, нэн түрүүн Сабидараа дулаалха гэжэ олбог шэрдэгээр тэрээнээ нэмэрдэг (Ц. Шагжин).