ДУГААР

дүгээр 1. юум. н. 1) нэгэ түрэл юумэнүүдые дараалан толооһоной тоо, сонин болон журнал зэргын удаа дараа гаража байдаг хэсэгүүдэй нэрэ (номер): Дайнай үедэ баатар сэрэгшэд, ара талын ажалшад тухай үндэһэн сонимнай дугаар бүхэндѳѳ хэблүүлжэ байгаа (Т. Самбялова); танюуһата дугаар ямар нэгэ юумэ адлидхахын тула хэрэглэгдэдэг тоо (идентификационный номер): Оросой Холбоото Уласай эргэнэй паспортын танюуһата дугаар арбан тооһоо бүридэдэг; хубиин нюурай тоосооной дансын даадхалай дугаар уялгата пенсионно даадхалай систэмэдэхи хүнэй хубиин нюурай мүнхэлэгдэhэн счёдой шухаг тоо (СНИЛС, страховой номер индивидуального лицевого счёта): Ажалда ороходо заатагүй хубиин нюурай тоосооной дансын даадхалай дугаар хэрэгтэй; 2. хууш. монг. бэшэгһээ дамжан ороһон ү. дараалан тоолоходо, тоолоһон тоогой нэрын амяараа бэшэгдэдэг залгалтын үүргэтэйгээр хэрэглэгдэдэг -дахи (-дохи, -дэхи) залгалтатай адли үүргэтэй, мүнѳѳнэй сонин болон теле-, радио-дамжуулгануудта, уран зохёолдо, мүн яряанай хэлэндэшье хүндэдхэһэн удха даажа ябадаг, жэшээнь, XIV дүгээр Далай лама (раздельно пишущийся показатель порядкового числительного): Удаань Анаагай дасанда дугаар Екатеринын бюст дамжуулагдажа, албанай хэрэгэй программа түгэсэхэ (Буряад Yнэнһѳѳ); 1925 ондо Буряад-Монголой АССР-эй Соведүүдэй хоёр дугаар съездын болоходо, делегадуудай урда «Ехэ удаган абжаае» харуулхын тула Агаһаа Жалма Жамцарано Баатар Дабаин хоёрые урижа асарһан байха юм (Г. Туденов).