ДОТОРТОЙ

тэмд. н. 1) досоохитой, дотоодотой (имеющий внутренности): дотортой мяхаяа тушааха; 2) досоогуураа дабхар бүдтэй гү, али хүдэһэтэй (имеющий подкладку, на подкладе): Хонин дотортой дулаахан дэгэлээ үмдэжэ, түрүүлэгшын иишэ тиишээ ябашахаһаань урид үрдижэ, правлени ошохоёо түхеэрбэ (Ц.-Д. Хамаев); нэхы дотортой дэгэл хониной үбэлэй, ута үһэтэй хүдэһѳѳр оёгдоһон гадар хубсаһан, дэгэл (дэгэл с меховым подкладом); хуулидха дотортой дэгэл хониной хайшалагдаһан зун намарай, богони үһэтэй арһаар оёгдоһон гадар хубсаһан, дэгэл (дэгэл с подкладом из стриженого меха); хурьган дотортой дэгэл жэл хүсѳѳдүй хурьгадай арһаар эсхэжэ оёгдоһон гадар хубсаһан, зѳѳлэн үһэтэй, үнэтэй гэжэ тоологдодог байһан (дэгэл с подкладом из ягнячьих шкур): Дун сагаан хурьган дотортой хоёр дэгэлые Женя хараад ехэ һайхашааба (Г. Дашабылов); сээжэ дотортой дэгэл бүһэ хүрэтэрѳѳ хүдэһэтэй, хүйтэн үедэ үмдэхэ гадар хубсаһан (дэгэл с меховым подкладом по лифу); хүжэ дотортой дэгэл досоогоо хүдэһэтэй, элдэб янзын бүдѳѳр хушагдаһан гадар хубсаһан (дэгэл с мехом внутри); хүдэһэн дотортой дэгэл бүд гадартай, досоогоо хониной элдэгдэһэн арһаар дулаалагдаһан гадар хубсаһан (дэгэл с меховым подкладом); булган дотортой досоогоо булганай арһаар дабхарлаатай (с собольим подкладом); хүрбэдхэ дотортой дэгэл хайшалагдаһаар хоёр һара болоһон хониной арһаар оёһон гадар хубсаһан (дэгэл со стриженым меховым подкладом); үзүүр дотортой дэгэл ута үһэтэй хүдэһѳѳр оёгдоһон гадар хубсаһан (дэгэл с меховым подкладом с длинным ворсом); 3) шэлж. һанаан бодолтой, сэдьхэлтэй (имеющий какие-л. душевные качества): Ехэ һахалта табхар хоёр – шоно дотортой улад юм (Д.-Д. Дугаров); муухай (гү али хара) дотортой муу, хара һанаатай, хорото сэдьхэлтэй (злонамеренный, ≈ с чёрным нутром): Тиимэл муухай дотортой хүн хаям, табангуудайнгаа зайһан, шүүлингэнүүд тухай Монгол уруу зугадахаяа байна гэжэ байжа хэды дахин худалаар мэдүүлээ гээшэб… (Б. Санжин, Б. Дандарон); уужам дотортой шэлж. үргэн, сагаан һанаатай, олые сэдьхэлдээ багтааха шанартай (великодушный); нимгэн дотортой шэлж. зѳѳлэн, энэрхы сэдьхэлтэй (добрый, добродушный): Наһанайм нүхэр Сергей Эрдынеевич минии найдамтай түшэг тулгуури юм. Нүхэрни ехэ нимгэн дотортой хүн (Буряад Yнэнһѳѳ).