ДОТООДЫН

тэмд. н. доторой, анханай байгаа, гадаадаһаа дулдыдаагүй, гүрэн доторой, уласай (внутренний, отечественный): Тэрэ хажуудаа байһан Чинбата тухайгаашье мартан, ямаршье дотоодын бодолдо эзэлэгдэһэн янзатай (Д.-Д. Дугаров); Аймагай дотоодын хэрэгүүдэй таһагай ута модон гэртэхи нэгэ таһалгын үүдэ дэлеэд, тэрээн руу ѳѳрыень түлхижэрхибэ (Б. Шойдоков); дотоодын дайсан улас түрэ, гүрэн дотор засаг баригшадай, мүн юрэ зоной урдаһаа үһэрилдэгшэд, нюусаар сэхэшье, шэлжэһэншье хоро хэгшэд, буһалгаашад (внутренние враги): Мүнѳѳ үедэ гадаадын дайсанһаа дотоодын дайсан хэдэн хубяар аюултай боложо байна, бидэ бүгэдэ тиимэ аюултай али болохоор тэмсэхэ номтой гээшэбди (Х. Намсараев); дотоодын арга боломжонууд хэрэглэхэ байһан арга хүсѳѳрѳѳ, нѳѳсѳѳрѳѳ алибаа юумэ шиидхэхэ, бүтээхэ (использовать внутренние ресурсы); Дотоодын хэрэгүүдэй яаман улас түрэ доторхи хуули, зоной хуулита эрхэ сахилга, замай аюулгые хангаха үүргэтэй яаман (министерство внутренних дел); дотоодын эд бараан энэл гүрэн дотор үйлэдбэрилэгдэһэн олоной хэрэглэхэ хэрэгсэл: хубсаһа хунар, эдеэ хоол, үйлэдбэриин хэрэгсэлнүүд: станок, машина, трактор, онгосо г.м. (отечественные товары).