ДОРОҺОО

1. наречи 1) доодо талаһаа, үеһѳѳ (снизу): Дугын модон эгээл тэрэ хухарһан газараараа хахадтаа хүрэтэр хэндэшьеб дороһоо сабшуулһан байгаа (Б. Мунгонов); Тээ ябад гээд байтарнь утаанай үнэр дороһоо анхилшаба (С. Доржиев); дороһоо дээшэнь доодо талаһаа дээдэ тала руунь (снизу вверх): Шанха урдаһаань, дороһоо дээшэнь һэбшээн һалхин хоёрой хоорондохи хии үлеэнэ (С. Доржиев); 2) шэлж. гүнһѳѳ, оёорһоо (из глубины): Үншэн хабһанайм оёорто нюугаатай үншэрһэн мэдэрэлни аяар дороһоо огло татагдажа, гашуун урасхал гаргаһан нёлбоһон боложо монсогойрбо (Ц.-Д. Хамаев); дороһоо (абан) һанаа алдаха гүнзэгыгѳѳр һанаа алдаха (глубоко вздыхать): Баһа бүхэли үдэртѳѳ уюулжа шалашаһан морид дороһоо һанаа алдажа, һулаханаар турьяна (Х. Намсараев); Үбгэжѳѳл дороһоо абан һанаа алдаад, бишыхан зээ хүбүүгээ хүрхэгэр томо сээжэдээ няан найгаргашаба (С. Цырендоржиев); дороһоо абан һорохо гүнзэгыгѳѳр һорохо (глубоко затягиваться): Жамбал үни даан сэбэр агаараар амилаагүй хүндэл, дороһоо абан һорожо, газетын таһархайда орёолтотой мохоорхоёо, хүхэ һүлэмхи утаа хамарһаа сорьёлуулан, таташаба (А. Жамбалдоржиев); 3) баруун бур. Ангара мүрэнэй адагһаа – һалхин тухай с низовьев Ангары); 2. дах. ү. 1) ямар нэгэн юумэнэй доодо талаһаа, үеһѳѳ (из-под чего-л.): Хабартаа саһанай һалан сасуу наруули нэмэри газарай бурзагар сагаахан, нимгэхэн хагдан дороһоо шэнэхэн ногоон урилдан бултайха (Б. Мунгонов); нюдэн дороһоо нюдэнһѳѳ саашаа, хараанһаа (с глаз): Эдэ дархашуулай һонирхонги нюдэн дороһоо һэмээхэн холодохо хэрэгтэй (Д. Эрдынеев); гай газар дороһоо, гахай модон доторһоо (Оньһ. ү.) ямар нэгэн юумэн болошуужа, аюул тохёолдуужа гэжэ һэргылһэн удхатай (≈ не ровен час); гуурһан дороһоо гараһан (гү, али мүндэлһэн) зохёолшын бэшэһэн, бүтээһэн (вышедший из-под пера): Валерий Цыбиковэй зохёоһон кроссворд таажа, ухаагаа гүйлгэһэн, тиихэдэ тэрэнэй уран гуурһан дороһоо мүндэлһэн уянгата шүлэгүүдэйнь мүрнүүдые уншажа, улаахан зүрхэнэйнгѳѳ хүбшэргэй хүдэлгэһэн лэ байхат (Б. Бадмаев); 2) доодо талаар, доогуур (по нижней части, снизу): Шойдог тэрэ бутылкынгаа дороһоо пяс гэтэр альгадаад, таглаадаһынь мулталһан бэеэрээ хоёр самсаалтай стаканда аягална (Ц.-Ж. Жимбиев).