ДОРОМЖОЛХО

үйлэ ү. баһаха, баһамжалха, дарлаха, дээрэлхэхэ, хүнэй нэрэ хүндые аман үгѳѳ, бэшэмэлээр гутаан баһамжалха; хайхарамжагүйгѳѳр хандаха (унижать, оскорблять; пренебрегать): Тиихэдэ эсэгыемни баһаһан, намайе доромжолһон, эжыемни зобооһон амитан мүнѳѳ иигэжэ минии урда һолжоржо байна (С. Ангабаев); дайран доромжолхо үгѳѳр дайраха, баһангяар хэлэхэ, мүн бэшэхэшье (оскорблять); дарлан доромжолхо дарлаха, дээрэлхүүгээр хандаха (подавлять, оскорблять); үгѳѳр доромжолхо хүн тухай муугаар хэлэжэ, нэрынь гутааха, хухалха (оскорблять словом); элэглэн доромжолхо, доромжолон наадалха наадалжа доромжолхо, наада барин баһамжалха (насмехаться): Доржын һайнаар номоо үзэжэ, амжалтануудые туйлаха бүринь, үхибүүдэй доромжолон наадалхань үсѳѳрнэ (Ч. Цыдендамбаев).