ДОМОГЛОХО

үйлэ ү. хѳѳрэхэ, түүрээхэ (повествовать): Джунглиин дууша олон шубуухайнууд ирагуу гоёор хүгжэмдэжэ, шамайе, шинии хэһэн хэрэг үйлые домоглохо! (Ц. Шагжин); домоглон хэлэхэ а) үльгэр мэтээр аянгалан татажа хѳѳрэхэ, түүрээхэ (медленно, нараспев говорить): Тиигээд Ага нютагай нэгэ һуурин газарһаа энэ эхэнэрые абажа, тэндэ нилээдгүй удаахан нютагжажа һууһаншье байхаб, – гэжэ үбгэн нилээд удаан домоглон хѳѳрэһэнэй һүүлдэ, Радна Гамбал хоёрһоо али нютагай болохыень асуужа оробо (Х. Намсараев); б) баруун бур. магтаалай дуу дуулаха, соло дуудаха (петь оду, воспевать).