ДОМБО

юум. н. дээрэ амһартай аад, шэнгэн бодос аягалан гоожуулха сорго гоожууртай амһарта, сай, уһа, унда аягалхада гол түлэб хэрэглэгдэдэг амһарта, үндэр гүсэ (чайник): Урда ханаар байһан сонхонуудай хоорондо бишыхан түхэреэн стол дээрэ табяатай хитад шаазан домбо хэды оло хараһаншье һаань, хэлэшэгүй һайханаар мүнѳѳ үзэгдэбэ (Д. Батожабай); домбо долоон нүхэтэй (таабари, толгой); домбо үрэл будд. гонзогор түхэлтэй үрэл (продолговатая пилюля).