тэмд. н. 1) һанжаһан, унжыһан – илангаяа урал тухай (обвислый): … дарьбагар уралтай, һанжаһан нимһал хасартай, миисгэйн нюдэн мэтэ эригэнэһэн шара нюдэтэй, малгайдаа ногоон будагтай мүшэтэй, хуушан хара шинельтэй үбгэн орожо ерэбэ (Ж. Тумунов); 2) дураа гутанги, дурагүйдэһэн түхэлтэй, шамарланги, сэдьхэлээ ханаагүй – нюур тухай (недовольный).

тэмд. н. 1) һарагар, арбагар (растопыренный): …соорхойн саада захада харабтар халюун жүhэтэй, ута сагаан хүлтэй хоёр томо ангуудые харажархиба. Нэгэниинь дарбагар ехэ эбэртэй байба (Б. Мунгонов); 2) үргэн ехэ, томо, хүрхэгэр, нарбагар (большой, широкий): Тэрэ хүл дээрээ бодоод, дарбагар томо шляпаяа нугад гүүлэн, һугадаа хабшуулжархёод, машинын кабиные һэнжэгэр ута гарнуудаараа тулгалаад, эрьен тойрон шэртэн ябана (Ж. Тумунов); дарбагар дали үргэн, ехэ дали, дэлеэтэй дали (распростёртые крылья): Дээгүүр элижэ ябаһан бүргэдэй дарбагар ехэ далинууд һүүдэртэн, уһанай нюрган дээрэ унажа, загаһандал зура сохин үнгэрбэ (Ц.-Д. Хамаев); дарбагар урал томо зузаан урал (широкие толстые губы): Түглэгэр үргэн мүрэтэй, задарюун томо бэетэй, нүрѳѳдэ боршогор болоһон хара шарайтай, ехэнүүд нүхэтэй һарнагар хамартай, уралынь дарбагар зузаан, хоёр нюдэниинь сог мэтэ ялалзажа, Гомбын нюурые алдангүй хёрхоор гэтэжэ, танижа ядаһан хэбэртэй, абяагүй һууна (Ц. Дон); дарбагар нюур үргэн нюур (широкое лицо): Дабаа-Жалсан – дарбагар хара нүрѳѳтэйшэг нюуртай, урал дээрээ хирбэгэр хара һахалтай, бууралтажа ябаһан толгойтой, табяад наһанай хүн орон дээрээ уухилһаар үндыбэ (Б. Мунгонов); дарбагар саарһан томо саарһан (широкий лист бумаги): Дарбагар саарһан дээрэ гоёор таталаагүй, харин саарһанай түгдэрхэй дээрэ, гараа ондоо болгохоёо оролдон, арайхан гэжэ хюмһалдаһан байна ха юм (Ч. Цыдендамбаев); 3) намилзаһан, хиидэһэн, надхаһан (развевающийся): дарбагар туг.