ДАНДАА

наречи 1) үргэлжэ, үргэлжэдѳѳ, таһалдалгүй, таһалгаряагүй (постоянно): Нам шэнги сабшалан уһална бэшэ, сабшалан үтэгжүүлнэ бэшэ, дандаа бэлэн юумэ дээрэ хүдэлнэ (Б. Мунгонов); 2) бүхыдѳѳ, булта, бүгэдэ (сплошь, все): Энэ дайдада нэгэшье ёдойхо модон үгы, дандаа үргэн салуу тала (Б. Мунгонов); Ленинэй үйлсэ хүндэлэн гараад, дандаа шахуу шэлээр баригдаһан «Прогресс» кинотеатрай углууда тэдэ хоёрые Шоноев хүсэбэ (С. Цырендоржиев); 3) тэрэ дороо, шууд (в тот же час, мгновенно): Дандаа гэдэргээ бусажа / Дахин намдаа ерэхэш (Ц. Шагжин); Харин, Бүтэдмаа Базарсадаевна, танай ѳѳрынтнай хэлэбэл, хамаг юумэн дандаа түргэн бүтэшэхэ гэжэ һананаб… (Б. Мунгонов).