ГЭРЭЛТЭХЭ

үйлэ ү. 1) һаруул болохо, туяатаха, туяарха, ошотохо, яларха, толорхо (быть освещённым, сиять, сверкать): Зүүн хойтохи Хонгор уулын оройдо эртын наранай улабар туяа эгээл түрүүн тудажа, уданшьегүй улам һаруулаар гэрэлтэн, мүнгэн ошоор сасарба (Д.-Д. Дугаров); Баруун нюдэнэйнь хүүгэндэ Баатарай зориг гэрэлтэнэ (Х. Намсараев); Мышкин тухай һайн һайхан зүйлнүүдэй толгой соонь бии болоһондонь, шарайнь гэрэлтэбэ (Б. Шойдоков); (зол) баяраар гэрэлтэхэ зол баяраар туяатаха, баярлаха (светиться от радости, сиять от счастья): Доржын сэлмэгхэн шарай зол баяраар гэрэлтэнэ (Ч. Цыдендамбаев); Ошорхайн барагар хара болошоод байһан шэг сайража, нэгэ аргагүй ехэ баяраар гэрэлтээд, залуу болоһон шэнгеэр үзэгдэбэ (Д. Эрдынеев).