ГЭГЭЭРХЭ

үйлэ ү. 1) һаруул болохо, үүрэй сайха, хираалха (рассветать): Тииһээр оршон тойрон гэгээржэ, үүр сайжа эхилбэ (Ф. Цыденжапов); Долоон үбгэдэй байдалаар тухайлхада, үшѳѳл гэгээрхэ болоодүй (Б. Шойдоков); 2) туяатаха, туяа сасарха, толотохо (светиться, излучать свет): – Гэгээржэ байһан богдын гэршье гэжэ юун байхаб – Гэрэй муу урсахан байгаал бэзэ? (Х. Намсараев); гэгээрэн толорхо гэрэл сасарха (светить): Неоново лампочканууд гэгээрэн толорно (Д.-Д. Дугаров); 3) шэлж. эрдэм номтой, түрүү үзэл бодолтой, соёлтой болохо (просвещаться): Алхаса бүхэндѳѳ амжалта туйлыт, / Гэшхэсэ бүхэндѳѳ гэгээрэн жаргыт (Х. Намсараев).