ГҮРЭНЭЙ

тэмд. н. улас түрын, гүрэндэ хабаатай, гүрэн түрын удха шанартай (государственный): Тэрэ самолёдтнай манай заводой болоод, гүрэнэй комиссинуудаар шалгагдажа абтаһан байна (Х. Намсараев); гүрэнэй (мүнгэ) зѳѳри газар, ашагта малтамал, предприяти, гэр байра, мүнгэ зѳѳри, үнэтэ зүйлнүүд, информаци, соёлой болон оюун ухаанай үнэтэ зүйлнүүд гүрэнэй зѳѳри байжа болохо. Гүрэнэй засагай зургаанууд тэрэниие захиржа байдаг. Гүрэнэй зѳѳри хадаа Федерациин зѳѳри ба Федерациин субъектнүүдэй – область, хизаар, республикануудай – зѳѳри гэжэ хубаардаг (государственная собственность): Зарим тушаалтадай гүрэнэй мүнгэ зѳѳри эдеэд гү, али эдилгэ абаад, ондоошье зальхай ябадал хээд байхадань, ажалһаань гаргадаг байгаа (Ц. Шагжин); гүрэнэй урьhаламжанууд банк, предприятинууд болон хүн зоной мүнгые хожом бусаахаар абалга (государственные займы); гүрэнэй худалдан абадаг юумэниинь правительствын, мүн гүрэнэй органуудай ѳѳрынгѳѳ орон сооhоо, мүн хилын саанаhаа бюджедэй мүнгѳѳр худалдажа абадаг эд бараан ба түлѳѳhэтэ туhаламжанууд (государственные закупки); гүрэнэй бюджет тусхай болзорто, ехэнхидээ жэлэй туршада гүрэн хэды шэнээн олзо оруулхаб, хэды гаргашалхаб гэжэ хараалhан данса-түсэб; тиихэдээ олзо ямар юумэнhээ орохоб, юундэ гаргашалагдахаб гэжэ хэлэгдэдэг (государственный бюджет); гүрэнэй захил ѳѳртѳѳ хэрэгтэй юумые гүрэн захижа хүүлээд, тэрэнэйнгээ мүнгыень гүрэнэй бюджедhээ үгэдэг. Тиимэ захил абаагүй предприятинууд угаа хүндэ байдалда ородог болонхой (государственный заказ).