ГАРГАГДАШАХА

үйлэ ү., видэй нэгэ түхэл 1) гэнтэ, гансата гаргуулха, гаргагдаха (быть моментально выведенным или вынесенным): Тэрэ барһанай углууда обоолоод байһан юумэниинь гэрһээ гаргагдашаба; 2) али нэгэн газарһаа, эмхиһээ гэнтэ хаһагдаха, хаюулха (быть выведенным, быть исключённым или уволенным): Хэшээлдээ хажуудахи хүршэдѳѳ һаалта хэжэ байһаар, Баяр ѳѳрѳѳшье мэдэнгүй классһаа гаргагдашаба; …тэрээн дээрэһээ коммунаһаа гаргагдашоод, бүри яахашье аргагүй тѳѳришоод ябанаб (Ц. Дон); 3) олоной мэдээгүй байтар, гэнтэ хэблэгдэхэ, толилогдохо (быть неожиданно изданным или выпущенным): Тэрэ үеын үзэлдэ таарахагүй статья тиигэжэ гаргагдашаһан юм.