ГАДНА

1. холбоо ү., ниил. нэмэжэ хэлэхэдэ (в добавление к кому-л., чему-л., и): Гэрэй эзэн үбгэжѳѳл гарагай хэлтэгыдэ, гадна дабирхайгүй тэргээр, үшѳѳ эдэ хашан сарнуудаар ябаха болоһондоо һанаагаа зобоно (Ц.-Ж. Жимбиев); 2. дах. ү. энээн дээрэ нэмэжэ хэлэхэдэ (кроме того, сверх того, помимо): Юрэдѳѳ, бишни үбгэржэ, урданай юумэ һанахаһаа гадна мүнѳѳ хэлэжэ байһан юумэеэ мартажархидаг болооб (Ц.-Ж. Жимбиев); тэрээнһээ гадна тэрэ юумэһээ амяараа (кроме того): Юумэ гээшыешни бүтээхын түлѳѳ ухаангүй ехэ оролдолго, тэрээнһээ гадна, нэтэрүү ябаха хэрэгтэй ха юм (Ц. Шагжин); хэм (гү, али хэмһээ) гадна туйлда хүрэмэ, хэмһээ үлүү, ехэ (предельно): Энэ үедэ нээлгэтэй үүдээр хэм гадна ехэ дэлэнтэй ямаан орошобо (Ч. Цыдендамбаев); 3. тэмд. н. онсо, илгарма, шалгарма, үлүү гарама (особенный, замечательный, превосходный, отличный): гадна ондоохон ябадалтай морин; 4. наречи газаа, газаа тээ (снаружи); гадна дотоно а) газаа зосоо талада (снаружи и внутри); б) будд. гадуур болон дотор, буддын шажанай ба буддын шажанда хамаагүй зүйл, үзэл бодол, зон г.м. (сторонники и не сторонники буддизма); гадна дотнын газаахи ба досоохи, гадарай ба доторой (внешний и внутренний).