БЭЛЭДХЭХЭ

үйлэ ү., идх. залог 1) юумэ бэлэн болгохо, түхеэрхэ (приготавливать, готовиться): Дулгар хүгшэн яарамгай бодожо, үбгэмни ерээ ха юм гэжэ, сай халаахаяа бэлэдхэнэ (Ц. Дон); Түрэдѳѳ бэлэдхэжэ эхилхэ хэрэгтэй (Д. Эрдынеев); 2) суглуулха, нѳѳсэлхэ, олзоборилхо, тушаан абаха, оруулха (заготавливать, припасать): Энэ гэрэй арада нэгэ заа үбһэнэй дараатай байхада, хэн эндэ үбһэ бэлэдхээ гээшэб гэжэ гайхааб (Б. Санжин, Б. Дандарон); 3) һургаха, бэлдэхэ (давать необходимые знания, ): Зүгѳѳр госпиталь шадар медицинскэ сестрануудые бэлэдхэхэ сэрэгэй курс олдобогүй (Ж. Тумунов).