БҮШЭ

юум. н. 1) миндаһан, ооһор, бэшэ (тесьма, лента, шнурок): торголиг бүшэ; Ооһор бүшэнь олдошогүй ордон сагаан гэртэ… (Yльгэрһѳѳ); 2) тобшын бүтүү, түдүүли (петля для пуговицы): Тиихэдэ бүрүүлхэн тоһон дэнгэй ойро эхэнь бүхэли һүниндѳѳ һуужа, шэнэ дэгэлдэнь тобшо бүшэ хадаһан, абажа мордохо оймһыень дууһаһан юм (Ч. Цыдендамбаев); 3) хубсаһанай үлгүүр (вешалка): Дулма басаганайнгаа дэгэлдэ таһарһан бүшынь орондо шэнэ бүхэ бүшэ хадаба; 4) боошхын, торхын боолто, бүһэлүүр (обруч у бочки).