БҮРИДХЭХЭ

үйлэ ү., идх. залог 1) хараада абаха, тоолохо, шалгаха, тоо бүридэлдэ абаха (подсчитывать, брать на учёт): Ардан Улаан хадын хормойдохи эгээл үндэр добо дээрэ гараад, адуун һүрэгѳѳ бүридхэн хараашалба (М. Осодоев); 2) эмхидхэхэ, тогтоохо, бии болгохо, байгуулха (создавать, организовывать): Тиигэбэ яабашье «Знание» бүлгэмэй шугамаар пропагандис бүлэгүүдые бүридхэжэ, аймагайнгаа бүхы нютагуудта ябуулаад, һанаамни амараад байна (Ц. Цырендоржиев); 3) эблүүлэн зохёохо (составлять): Базар-Гүрэ ахын хѳѳрѳѳе үри хүүгэдэйнь хадагалжа ябаһан дансануудтай нэгэдхэжэ, багахан статья бүридхэн бэшэһэнээ танай анхаралда дурадханаб (Ц.-Д. Жамсаранов).