БУУШАХА

үйлэ ү., видэй нэгэ түхэл 1) бушуу түргэн доошоо болохо, уруудаха, бага болохо (внезапно спускаться, сходить, понижаться): Тиихэдээ тэдэнэр тад ондоо хүнды руу буушаба гээшэ (Б. Мунгонов); хүлһѳѳ буушаха үбшэнһѳѳ боложо, ябаха шадалгүй болошохо, хүлгүй болошохо (валиться с ног от болезни): Хэшэгтэ хүлһѳѳ буушоод хэбтэжэ байхадаа, хэнһээшье үлүүгээр Доржынгоо тухай һанаандаа оруулна (Ч. Цыдендамбаев); 2) һанагдаагүйгѳѳр, гэнтэ ерэхэ (неожиданно приехать): Таанадаа гэнтэ иигэжэ буушаха гэжэ мэдээгүй байһан дээрэһээ нилээд задагайгаар угтаба хабди (Д. Эрдынеев); 3) эхилшэхэ, болошохо, ордоһолхо, бушаганаха, шангадаадхиха (внезапно подниматься, усиливаться, наступать, наставать): Нэгэ горхониие зубшаһаар байтарнь, алтан нарата үдэр дүүрэжэ, зунай богонихон һүни буушаха юм (В. Гармаев); Шэб балай харанхы буушаба (С. Цырендоржиев); Удаань галзуу шангаар эшхэрэн тооһороод, һалхин буушаба (С. Доржиев); 4) сохижорхихо, шаажархиха (внезапно ударить): Тиигэжэ ябатарынь гэнтэ томо гэгшын гар баруун шэхэн дээрэнь буушаба (Д. Эрдынеев); 5) шангадх. үгэнүүдтэй суг хэрэгл. ямар нэгэ үйлэ хэхэ (производить какое-л. действие): Тиигэһээр байтарнь үрэмынь гэнтэ тас гээд хуха буушаба (Х. Намсараев); тэһэ буушаха а) тэһэршэхэ, дэлбэ һүрэхэ, дэлбэршэхэ (лопнуть, взорваться): Бага долгито пеэшэн соо аягамни тэһэ буушоо; б) сухалдашаха (разозлиться): Тиигээд …. тамхияа носоогоод, бааюулжа һуухыень харахадаа, Балжид тэһэ буушан алдаба (Ц. Шагжин).