БУРУУШААХА

үйлэ ү. 1) зэмэлхэ, гэмнэхэ, зүб бэшэ гэжэ тоолохо (порицать, осуждать, считать неправильным): Хэрбээ ойро тойрон бэлэн шүлэгэй байгаагүй һаань, ѳѳрһѳѳ һанаад зохёоходоньшье тэрэ басагые хэн хориглон буруушаахаб? (Ч. Цыдендамбаев); бэеэ буруушааха бэеэ зэмэлхэ (корить себя): Теэд би ямар хэрэг бүтээжэ ябана гээшэбиб? – гэжэ дотороо һанан гэхэдээ, Гомбын сэдьхэл гэнтэ урбажа, яабашье зохихогүй буруу замаар ябаһанаа мэдээд, бэеэ буруушаажа, аман соогоо гэмшэбэ (Ц. Дон); 2) арсаха, мэлзэхэ, зүбшѳѳхэгүй (опровергать, отрицать): Тиигэжэ байтараа зал сооһоо энэ тэрэ углууһаа үгэ хэлэгшэдэ буруушааһан үгэнүүдые хаян, шууяан гарашаха юм (З. Гомбожабай).