БУЛЯАМА

дура (гү, али зүрхэ, сэдьхэл) буляама тэмд. н. дура татама, дурламаар гоё һайхан, урин зулгы, анхарал хандуулсатай (привлекательный, обаятельный, обольстительный): Тиихэдэ үхибүүн гэжэ тоологдодог, мүн балай ехээр анхаралыень татадаггүй байhан басаганиинь мүнѳѳ ямарханшье хүбүүдэй дура буляама сэбэрхэн, дүүрэн наhаяа хүсэшэнхэй, гулдагар гоё бэетэй бэри болошонхой байбал! (Г.-Д. Дамбаев); Тиигээд лэ зүрхэ буляама хоолойтой хүүхэниие набша сэсэгүүд найгахаяа болин, шубуу шонхорнууд абяагаа хуряан, хүхэ сэнхир огторгой зэнхын шагнана (Ц.-Ж. Жимбиев); Энээнэй һамган Ханда хадаа сэдьхэл буляама дан үлэмжэ сэбэр һайхан эхэнэр гээшэ (Х. Намсараев).