БУЛИХА

үйлэ ү. 1) диилүү, үлүү байха, диилэхэ, иланги байха, илажа дараха (превосходить, побеждать, осиливать): Харин Дамбын эжы: «Дээрэ зүрхэтэн дэмы дэгдэгэнээд лэ һаладаг, доро зүрхэтэн даамайхан булидаг», – гэжэ заадаг (С. Цырендоржиев); 2) аалидхаха (заглушать): Тэрэ шэхэ дүлиирмэ шаг шууяа булиха гэһэндэл шангаар хараал табижа байгаад хүдэлнэ (Ц.-Ж. Жимбиев); Залуушуулай дуун тэдэнэй дууе булина (Ц. Шагжин).