БУЗАРЛАХА

үйлэ ү. 1) муухай болгохо, гутааха, зутарааха (загрязнять, засорять, пакостить, гадить): Харин Сэлэнгын ЦКК-гай хэрэглэһэн уһан сэбэрлэгдэдэг болобошье, Байгал далайн уһые бузарлаһан зандаа (Н. Дамдинов); 2) шэлж. гутааха, доромжолхо, забхайруулха (осквернять, поганить, опошлять): Басаганай инаг дурые бузарлаад, һүүлээрнь иимэ оосогүйгѳѳр дуугархаяа эшэхэеэ яанаш? (С. Цырендоржиев); нэрэ бузарлуулха нэрэ хүндэ хухалха, доройтуулха (бесчестить имя, позорить): Ямаршье байг, нүхэрѳѳ үхэлэй һабарта орхёод, ѳѳрынгѳѳ ами шэрэжэ арилха гээшэ хүнэй нэрые бузарлаһан, бүдүүлиг ябадал шуу (Д.-Д. Дугаров).