БОРОО(Н)

(Н) юум. н. 1) хура, дулаанай сагта ородог шииг нойтон, уһан, байгаалиин үзэгдэл (дождь): Тиигэһээр хэбтэтэрнь туулган хүндэ үүлэд бүри доохонуур һолжоржо, уданшьегүй Улаан хадые бүрхѳѳжэ, бороо жэжэхэнээр дуһалжа захалба (М. Осодоев); Ороһон бороо болихо, ерэһэн айлшан хариха (Оньһ. ү.); бороо хура дулаанай сагта ородог шииг нойтон, үүлэнһээ унаһан уһан дуһалууд (дождь): Харин үглѳѳнэйшье һаамай үедэ үнѳѳхил бороо хура ороһон зандаа байгаа һэн (Ц.-Ж. Жимбиев); бороо нойтон хагсуу, бороотой, нойтон муу уларил (ненастье); үһээ бороо удаанаар, ужажа, һуужа ороһон бороо (затяжной дождь): Одоол мүнѳѳдэр үһѳѳ бороо забһарлажа, хадын саагуур һадаряатан, гол дээгүүр һолонго татан, алтан наран игааба (Ц.-Ж. Жимбиев); хагсуу бороо харалган бүрэлгэн, хии бараан, зада, убһаг, ольбон, үһээ (ненастье, непогода): Мүнѳѳдэр хагсуу бороо гэжэ хүдэлмэридэ ошохогүй, амарха юм гэлсээ хамнай (Ц. Дон); саһан бороо мүльһэтэй бороо (ледяной дождь): Дабаанай оройгоор орожо байhан саhан бороо хүйтэн амисхалаа урдаа тууhаар аргаахан доошоо бууна (Г.-Д. Дамбаев); бороо шэбэрхэ зѳѳлэн бороо орохо, шэдэрхэ (моросить мелкими каплями): Түргэн аадар үнгэржэ, жэжэхэн бороо шэбэрбэ (Д.-Д. Дугаров); бороо намдаха бороо бага болоха, зѳѳлѳн шэдэрхэ (стихать – о дожде): Бороо намдашанхай, тойроод шэмээгүй (Д.-Д. Дугаров); 2) эхир. удаһан һуужа ороһон бороо, хагсуу уларил (затяжной дождь, ненастье); ○ аадар, хура, һалхи гэжэ үгэнүүдтэй парн. хэрэгл.