БООРИ

юум. н. 1) хадын хормой (подножье холма, горы): Шулуун хадын боориин модонуудта моридоо уяад, хада ѳѳдэ абирбад (С. Цырендоржиев); Бухал шэнги обогор аад, мэлигэр халзан оройтой Орголи хадын баруун урдахи хормойе нютагайхидни хэр угһаа Түлгэ-Боори гэжэ нэрлэһэн юм (М. Осодоев); 2) үндэр газар, добуун (возвышенность, холм): Энээхэн боориин ташалан тэрээндэнь орходоо юуншье бэшэл (М. Осодоев); боори болдог добуун, добо, добосог (холм, бугор, горка): Һүн ехэ далайн / Салим шалбааг байхада, / Һүмбэр ехэ уулын / Боори болдог байхада… (Гэсэрһээ); боори хаданууд үндэрнүүд (возвышенности): Буряад ороной уһа мүрэнүүд Улаан шуһаар урдаа бэлэйл, Буряад ороной боори хаданууд Буртаг яһаар хушагдаа бэлэйл (Х. Намсараев).