БОЛОТОР

дах. ү. хүрэтэр, ямар нэгэн сагай ерэтэр (до, до окончания, до конца): Үдэ болотор Ардан моридоо арайл гэжэ суглуулаад, хэды дахин тоолобо (М. Осодоев); мүнѳѳ болотор энэ, одоо саг хүрэтэр (доныне, до сего времени, до сих пор): Дулма яагаад тэрэнэй һамган болохо гэжэ анхан шиидэһэнээ мүнѳѳ болотор хүсэд ойлгодоггүй (Д.-Д. Дугаров); һая болотор һаяын саг болосо, хүрэтэр (до недавнего времени): Тиигээд лэ һая болотор нютагайхиндаа дуу дуула гэжэ баалуулдаг һэн (Ц.-Д. Хамаев); үглѳѳ (гү, али үглѳѳгүүр) болотор удаадахи үглѳѳнэй саг хүрэтэр (до утра): Та хоёр мэнэ гэһээр ябажа, тэрээн доро ошоод, үглѳѳ болотор тон һэримжэтэйгээр хоргодожо хэбтэхэт (Х. Намсараев); Үглѳѳгүүр болотор хүлеэгээд, эхэнэр хүнэй гүнзэгы сэдьхэл Рабдан намай хаяад, гансаараа нютагаа бусаа гэжэ ойлгоо юм ааб даа (Д. Дылгыров); үнэһэн (тоборог) болотор дууһан (дотла): Тэрэшье хилэнсын түлишые Үнэһэн болотор галдаха галай дүлэн мүн (Э.-Х. Галшиев); улаан болотор улайтар (докрасна): Мүнѳѳшье тэрэ Заяаханай тээ мэндэ асаржа үгэһэн хуурай шэнэһэн түлеэгээр шэрэмэйнгээ улаан болотор галаа түлеэд, сайгаа халуун байлгаба (Ц.-Д. Хамаев).