БОДО II

1. тэмд. н. томо, бэеэр ехэ (крупный – о скоте, диких зверях): Бишыханбагай эдэ эбэртэ бодо малнуудай шонын хүнэһэн болошоод хэбтэхэдэнь, ехэл айгаа һүрдѳѳ һэн (Ц.-Ж. Жимбиев); Бодо мал хадаа адуун, тэмээн, үхэр гурбан болоно; Һалхи шуурган соо ан шэмээ обёорхогүй, бодо ан, бодон гахай агнахаар үдэр болохо ха (Ц. Номтоев); 2. юум. н. 1) малай тоо толгой нэгэ янзаар тоолохо хэмжээ, арга. Нэгэ бодо болбол иимэ байһан: нэгэ морин гү, нэгэ үнеэн гү, табан хонин гү, али долоон хонинтой зэргэ һэн (условная величина подсчёта скота, в пересчёте на одну голову крупного рогатого скота): Зүб хадань хоёр морин, хорин бодо, хоёр зуун түхэриг гэһэнэйтнай тэн хахадыень үгэхэмни гү, али үгымни гү, үшѳѳ хүсэд ойлгоогүй һуунаб (Х. Намсараев); 2) хаан болон хүбүүнһээ бэшэ шатар нааданай дүрэнүүд (шахматные фигуры, кроме короля и пешки).