БОГОНИ

тэмд. н. 1) бага, ута бэшэ, охор, тагтагар, дүтэ (короткий, краткий): Тэрэ ногоон пулаадаа боонхой, хүрин тэрлигээ үмдэнхэй, богони түриитэй булгайр гуталаа угланхай юумэ һууна (Ц.-Ж. Жимбиев); Үдэшын толоной унтардаггүй зунай богони һүниие утадхаха гэһэндэл, эрьехэ наран бүмбэрсэг дэлхэйн ара талаар яаралгүй аяншална (Д.-Д. Дугаров); богони болзорой ута бэшэ хугасаанай, ойрын сагай (краткосрочный): Зундаа нютагаа үсѳѳн дахин, богони болзороор ерэхэ баатай болодог болооб (С. Цырендоржиев); богони зам дүтэ харгы (краткий путь): Мориной Дэлһэн дабаамнай эндэһээ, хойто талаһаа, эгээл эридшье һаа, эгээл богони замтай, оройдонь удангүй хүрэхэ байхабди (С. Доржиев); богони болгохо утыень бага болгохо, агшааха, тайраха (укорачивать, сокращать): Тиигээд модон соогуур алхалан, гүбээ хада ѳѳдэ гаража, моридоо уhалаад, жолооень богони болгожо уяад, сай шанажа байhан нүхэдтѳѳ ерэбэ (Г.-Д. Дамбаев); ута богони ондо ондоо утатай (разной длины): Тэрэ үнеэниинь ута богони эбэртэй, дохолон татаһан хүлтэй, оодон һүүлтэй юм (Ц.-Ж. Жимбиев); 2) набтар, оодон (низкий, приземистый): богони бэетэй хүн.