БАЯРАЙ

тэмд. н. 1) ёһололой, найр нааданай (торжественный, праздничный): Уяхан дуутай хүүгэд, хүбүүд жагсана, Гурбан дүлэеэ гоёхон сэсэгээр эмжүүлээд, Горн татан, баярай салют үргэнэ (Х. Намсараев); баярай суглаан ямар нэгэн һайн ушарта зорюулагдажа эмхидхэгдэһэн суглаан, жэшээнь, эмхиин гү, али элитэ эрдэмтэнэй ойдо (торжественное собрание): Дун сагаан үһэтэй, торшогор ута бэетэй директор бодожо, баярай суглаа нээбэ (С. Цырендоржиев); 2) мэндын, амаршалгын (приветственный, поздравительный): Эхын нюдэндэ гэгээн сагаан үдэр гэнтэ харанхы балай боложо, басаганай хэлэһэн баярай үгэнүүд уйдхар гашуудалай орилоон боложо дуулдаба (З. Гомбожабай); баярай бэшэг амаршалгын үгэнүүдые бэшэжэ, гоё хабтаһанда хабшуулһан бэшэг (приветственный адрес): Тоосоото хугасаа соо хэһэн ажалаараа амжалта туйлаһан хүдѳѳ нютагуудай түрүүшүүлдэ баярай бэшэгүүд, бэлэгүүд барюулагдаа (Э. Чимитдоржиев).