БАХАРХАХА

үйлэ ү. 1) сэдьхэлээ ханаха, баярлаха, хүхихэ, һайн сэдьхэлтэй байха, һайнаараа байха (быть довольным, восторгаться, быть в хорошем настроении): Уулынгаа орон хүрэхэһѳѳ хойшо ямар гоё һайхан нютагтай гээшэбиб гэжэ бахархажа садаагүй ябаа һэн (Ц.-Д. Хамаев); бахархан хүхихэ баярлаха, сэнгэхэ (радоваться, веселиться): Тунгалагһаа ехээр бахархан хүхиһэн, орьёлмо дураар халин, жаргалайнгаа далайда гараһан хүн энэ үдэр байгаашьегүй ха даа (Ц.-Д. Хамаев); бахархан шагнаха шэхээ хужарлуулха (слушать с восторгом): Энэ үедэ үндэр наһатай үбгэд, хүгшэд һубарилдаһаар ерэжэ, Дүүхэйн дуулахые бахархан шагнаха юм (М. Осодоев); 2) омогорхохо (гордиться): Шагдар ута ендэрэй хажуугаар ябажа, хайшалагшадай ажалые харахадаа, эжэлүүдгүй бахархана (Д.-Д. Дугаров).