БАРЬЯГАР

тэмд. н. 1) бархагар, адар, данхагар, дархагар, дарнагар, дарьягар, һархагар, түглэгэр (громоздкий): Үглѳѳнэй улаан шаргал наран барьягар хара Баргажан дабаанай саанаһаа һаяхан гараад, … хүхэ сэнхир огторгойн гүнзэгы уудам ѳѳдэ яаралгүйхэн һалирна (Б. Мунгонов); барьягар шулуун дархагар томо шулуун (большой камень, глыба): Нүхэн гүн руунь шулуу хаяхадань, аяар доро ошожо, барьягар шулуунуудые абяатайгаар сохин унаха (Ц.-Д. Хамаев); барьягар шэнэһэн томо, орбогор, һаглагар шэнэһэн (раскидистая лиственница): Тииһэн бэеэрээ Бармидай хараһаар байтар оодон буугаа далайжа далайжа, барьягар хара шэнэһэндэ бутара сохижо хаяад, саашаа мэнтысэ харайба (Б. Мунгонов); 2) мантагар, арьягар (дюжий, здоровый): Иимэ һайхан эхэнэр хайшан гээд энэ аймшагтай барьягар хүнэй һамган болоо гээшэб гэжэ тэдэнэр досоо досоогоо бодоно (Д. Батожабай); 2) шэрүүн, барзагар, бордигор (грубый, шершавый): Холхойн барьягар хара шарайе гэтэжэ, Цогтоев нэгэ бага һууд гээд: – Холхой нагаса, би арбан долоон үнеэтэйб (Ч. Цыдендамбаев); барьягар гар шэрүүн гар, бархигар, холонхой гар (грубые, мозолистые руки): Хүгшэнэй шарайда уйдхарай тэмдэг үзэгдэбэгүй, гансал томонууд хүхэ һудалтай хүдэлмэришэ барьягар гарнуудынь үлэ мэдэг һалаганаһандал болоно (Ц. Шагжин).