БАРИЛГЫН

тэмд. н. барилгада хэрэглэгдэдэг, барилгада хабаатай (строительный): Хэлэ амаяа хооһоор бүлюудэнхаар хэрэг дээрээл, ёһотоор лэ барилгын хүдэлмэриие ябуулая гэжэ Мункоев уряалба (С. Цырендоржиев); барилгын модон барилгада хэрэглэмээр, сэхэ, гэшүүһэгүй монсогор модон, хабтагай г.м. (строительный лес): Жаргалай түргэхэн дүтэлжэ ошоходо, барилгын модо ашаһан хоёр машина саашаа үгсэбэ (Д. Эрдынеев); барилгын материал байшан барихада хэргэлэгдэдэг материал (стройматериал): Барилгын материал аяар Хашагһаа шэрэхын орондо нютагайнгаа колхозтой ѳѳһэдѳѳ хэлсээд, хэрэгтэй юумээ абаа юм (С. Доржиев); барилгын оньһон түхеэрэлгэнүүд барилгада хэрэглэгдэдэг малтадаг, ашаа үргэдэг, шабар зуурадаг зэргын машинанууд, хэрэгсэлнүүд (средства труда); барилгын отряд зунай амаралтай үеэр гэр байра г.м. юумэнэй бодхоолгодо ажалладаг оюутануудай бүлэг (стройотряд): Жаргалай түргэхэн дүтэлжэ ошоходо, барилгын модо ашаһан хоёр машина саашаа үгсэбэ (Д. Эрдынеев).