БАРИЛГА

юум. н. 1) барижа абалга, байлгалга, тогтоолго, сүлѳѳ хаһалга (взятие, поимка, ловля, задержание): Энээнэй һүүлээр дүхэригтэ шарууһа барилган боложо… (Х. Намсараев); загаһа барилга загаһашалга (рыболовство): Загаһа барилга аалин ябана, теэд намар гэжэ бии! (Ж. Тумунов); 2) гэр байра бодхоолго, байгуулга (строительство, стройка): Теэд мүнѳѳ энэ барилга балайшье урагшаа ябахаяа болинги, эгээн ехэ баазынь хананууд нѳѳхил хахадлаһан хэбээрээ байба (Б. Мунгонов); хуби нилүүлэн барилга хүдэлхэгүй зөөри (гэр, байшан г.м.) бодхоохын тула хабаадалсагша бүхэнэй хубита мүнгѳѳ һомолжо бүтээхэ барилга (долевое строительство): Хуби ниилүүлэн барилга Аргентинэдэ 1980-аад онуудта бии болоһон; 3) байшан, һуурин (здание, сооружение): Газаа талаһаань энэ «Жэньхэчаниие» харахада, гурбан ехэ барилгаһаа бүридэһэн ордон бэлэй (Д. Батожабай); 4) абалга (приём); хоол барилга хооллолго, эдеэ эдилгэ (приём пищи, трапеза): Иимэ ехэ хоол барилгын болохые эртүүр мэдэһэн Эмчи Соном үүдэндэ дүтэшэг байһан богонихон жабдан дээрэ һуури эзэлбэ (Д. Батожабай); 5) эдеэ бэлдэлгэ, шаралга (приготовление пищи): хилээмэ барилга; 6) тэсэлгэ, арсалга (сдерживание); бэеэ барилга һанал бодолоо нюулга, али нэгэн юумэ хэнгүй байлга, таталга, ямар нэгэн юумэндэ хабаадангүй байлга (самообладание): Залуу хүбүүнэй бэеэ барилга, наншалдаанда оролсоогүй байһаниинь тэрэниие муу хойшолонһоо абарба.