БАРАЙХА

үйлэ ү. 1) харлан харагдаха, бүрыхэ, түглыхэ (темнеть, сереть, темнеть серой массой): Далайн нюрган барайжа, буурал сагаан сасагтай ногообор хара хилэн «малгайнуудаа» һэгсэрэн һэгсэрэн, улам ордоһотойгоор долгилжо эхилбэ (Б. Мунгонов); Хан Уулын наада хотогор соо сугларһан хэдэн мянган моридой барайхань, тоогүй олон зоной үймэхэнь харагдажа эхилбэ (Д. Батожабай); 2) уруу дуруу болохо, гутаха (омрачиться, стать хмурым): Тиимэһээ эхэнь һанаагаа зобон, барайжа, байд гээд лэ басаганайнгаа таһалгада ороно (Ч. Цыдендамбаев); Хабтагар хара нюурынь барайжа, хүлһэ һалһан болошонхой (Б. Мунгонов).