БАЛАРТАХА

үйлэ ү. 1) бүрүүл болохо (темнеть): …гансата зосоонь муудажа, нюдэниинь балартажа, … харанхалжа унахаһаа абан болотороо дураа гуташадаг хүн (Б. Мунгонов); 2) харагдахаа болихо, эли бэшэ болохо, жэгдэрэн гү, али тэгшэрэн үгы болохо (изглаживаться, исчезать, стушевываться): Тиигэһээр хабшалай эрид хажуунууд бүри үндэр, дабагдашагүй шэнги боложо, харгынь зүргэ боложо, заха, хизаарынь балартана янзатай (Ц. Цырендоржиев); 3) ойлгоходоо муу болохо, ухаагаа һамарха, һанал бодолой мохоорхо (мутнеть – о разуме): Уһа мяхан норошоод, ухаагаа балартажа дэмыршоод, шүдѳѳ хабжагануулан, һалганажа һабиганажа һууна ха юм даа, хѳѳрхы (Б. Мунгонов); ухаагаа балартаха ухаагаа һамуурха, тархяа муудаха (сойти с ума): Хорёод оной үеэр энэ үбгэн ганса хүбүүгээ үхүүлжэ, һүүлдэнь һамгаяа үхүүлжэ, ухаагаа балартаһан хүн байгаа (Б. Мунгонов); 4) һанагдахаа болихо, мартагдаха, һула болохо (забываться, притупляться – о чувствах, ощущениях): Он жэлнүүдэй ошохо тума Сараанымнишье шарай нюдэнэймни урда балартажа эхилээ (Д. Дылгыров); …Должон урмашан, ухаандань ерээдүйн найдабари улам бүхѳѳр түрэжэ, уй гашуудалынь балартан мартагдадаг байгаа (Ц. Дон).