БАГСААХА

үйлэ ү. юумые тухайлад гээд мэдэхэ, юумые тааха, бараглаха (знать приблизительно, угадывать, предполагать, прикидывать): Энэ голые алдангүй уруудахада, Дээдэ Хуһатын айл эрхэбэшэ байха ёһотой гэжэ урдань нэгэтэ ябаһаараа багсаажа мэдэнэ (Ц. Дон); Гаталха замаа харасаараа багсаан, ойро зуура зогсоод, таягаа тулан, алхалшаба (Д.-Д. Дугаров); багсаан таниха түһѳѳлжэ таниха (узнать по силуэту): Энэ үедэ үнѳѳхи һүүдэрынь дүтэлһѳѳр дүтэлжэ, Балта таабай Арданиие багсаан танихадаа лажаганаса энеэжэрхибэ (М. Осодоев).