АЯАР I

1. наречи айхабтар, нилээд, угаа, тун (очень, сильно); аяар холоһоо алад саанаһаа (издалека): Аяар холоһоо, зэрэлгээтэ талын гүн дундаһаа буряад аялга долгисон зэдэлхэдэл болоод, дүтэлхэ тумаа бүришье хүсэтэйгѳѳр эбхэрэн мушхарба (М. Осодоев); аяар үни (хада) бүри үни, үни даа (уже давно, давным-давно): Аяар үни ерэһэн аад, мүнѳѳ хүрэтэр бидэндэ дуулгаагүй хадаа нэгэ шалтагтайл байгаа ёһотой даа (Д. Эрдынеев); Аяар үни хада, Троицкосавск ерэһэнэйнгээ хойно таба хоноод байхада, Доржо Сэсэгхэниие бэдэржэ, городые зайһан юм (Ч. Цыдендамбаев); аяар хэзээнэй (гү, али хэзээ, хэзээнһээ) үни сагта, үни сагһаа (очень давно): Сайгон шадарай партизануудай гол байрые оложо, бута сохихо гэжэ аяар хэзээнэй хэлэнэ гээшэбибди! (Ц. Шагжин); аяар дээрэ шанха дээрэ, холо (очень высоко, прямо над головой): Бордоһоншье нэгэ бага намдажа, аяар дээрэ, харанхы соо һарын сайбар таляан харагдадаг болобо (А. Жамбалдоржиев); аяар доро холо доро (далеко внизу): Нүхэн гүн руунь шулуу хаяхадань, аяар доро ошожо, барьягар шулуунуудые абяатайгаар сохин унаха (Ц.-Д. Хамаев); аяар саана (гү, али саагуур) холо саагуур (очень далеко): Энэ үедэ тэрэ басаган аяар саана ошожо, уһанһаа бултайгаад, уһанай урадхалые дахан һамарһаар, эрьедэ тулажа ерэнэ (Ж. Тумунов); Ойро наярһан тэнгэриин дуун аяар саагуур, огторгойн заха хизаар туласа наяран сууряатан унтарна (Ч. Цыдендамбаев); аяар тэндэ угаа холо (очень далеко): Мүльһэнэйнь хойто захаар, аяар тэндэ, нюдэнэй хүрэхэ газарта, далайн долгин сагаан дэлһээрээ сайбалзажа байба (С. Доржиев); аяар эндэ тиимэ холоһоо иишэ (аж здесь, аж сюда): Мүнѳѳ аяар эндэ ерэшоод байхадаа, миин буряад арад гэһэн үгэ дуулаһамни ямар сэнтэй гээшэб (Х. Намсараев); 2. наречи бүри, үшѳѳ, гансал, һаял (аж, целых, уже, ещё, лишь только): Энэ городто аяар дүрбэ-табан жэл байhан аад, уулзадаггүй байhамнай гайхалтай (Г.-Д. Дамбаев); Халууень хэмжэһэниинь аяар 40 градус боложо байгаа (Д.-Д. Дугаров); аяар үдэшэ болохо ойртоһон хойно гансал үдэшэ тээшэ (и только ближе к вечеру): Теэд аяар үдэшэ болохо ойртоһон хойно Афанасьевтал адли хүнэй ороһон магазин олобод (Б. Мунгонов); аяар һүниин тэн үнгэрһэн хойно һүниин тэн үнгэрхэдэ, бүри (лишь за полночь): Аяар һүниин тэн үнгэрhэн хойно багшамнай сошормог нойроор унташаба (Б. Мунгонов); аяар зүүн зүгтэ холо зүүн зүгтэ (аж на востоке, далеко на востоке): Аяар зүүн зүгтэ уняартан хүхэрэгшэ аласай шэлэнүүд Тогоошын хүсэл һанаае гунигай манан соо үлгыдэнэ (Д.-Д. Дугаров).